احد فتوى باللحمه المفرومه وصلحه

[size=24]واحد فتوى باللحمه المفرومه وصلحه بس طازه وحياتك

لأ لأ لأ
هى فتوى
هى فتوى
مش فته
انا مش كاتبه غلط

استنوا بس قبل ما تهاجمونى وتقولواانى بهزر فى الدين

الحكايه بدأت لما فكرت انى اعرف
هل النقاب فرض ولا سنه

عادى مفيهاش حاجه قلت افتح التليفزيون واشوف

فتحت التليفزيون ويارتنى ما فتحته

لقيت كل قناه بشيخ شكل وفتوى شكل
فيه اللى قال سنه واللى قال فرض
واللى قال ان الحجاب اصلا مش فرض

زهقت قولت اغير الاتجاه خالص واجيب قنوات عاديه
فوجئت ببرنامج حوارى
بيقول ان احد المشايخ افتى بأن
الزوج و الزوجه اللى بينادوا بعض بابا وماما
محرمين على بعض
والبرنامج نفسه جايب اتنين من الفقهاء قعدوا ينتاقشوا
والحوار حمى وصوتهم علي مفهمتش حاجه

عادى اختلاف وجهات النظر

المهم ...
غيرت القناه لقيت شيخ بيقول ان المعازف حرام
وان الغناء هو صوت الشيطان
والقلب الممتلئ بسماع الاغانى لا يؤثر فيه القران

الغريب بقى
ان القناه اللى جنبهم كانت جايبه برنامج تانى من اوله
دينى برده
بس التتر بتاعه
عباره عن اغنيه دينيه عاديه خالص بكافه الالات الموسيقيه
اللى لسه كان بيقول عنها الشيخ صوت الشيطان

وشويه ولقيت اعلانات
اللى بيعلن عن اى حاجه حتى صابون
يكتب فى الاول ايه قرانيه
وفى النص حديث
وان مكونات السلعه مذكوره فالقران
واعلان تانى بيقول
فسر حلمك ...
اسأل شيوخ ودكاتره متخصيين عن استفساراتك
والرقم 0900
كان ناقص يقول اطلب فتوتين وفسر حلمك مجانا والقطنه مكتذبش


فى الاخر بقى اكتشفت سبب المشكله دى كلها
مش التليفزيون طلع حرام
واحد مفتى لخصها فكلمتين
قال ان التليفزيون حرام حرام حرام
وانه نافذه للشيطان فى كل بيت

على فكره الكلام ده مش كبير علينا ولا هو بعيد عنا
ده مأثر فى حياتنا كلها
المفروض لو كلنا مسلمين فى مكان واحد
وانا سألت سؤال
الطبيعى بما ان القران واحد والرسول واحد والذاهب الفقهيه بتعددها
لا يوجد بينها تناقض
ان اجابه سؤالى تكون واحده عند الكل
مش حد لاحرام
والتانى يقول لا عادى
والتالت يقول مش مستحب

السجاير
الشات
الاغانى
المسلسلات
الارتباط قبل الجواز
الجواز العرفى
الخ

والكلام كتير الفتوى بقت سلعه
ومهنه من لامهنه له

طيب انا كده اسأل مين
والناس البسيطه اللى دماغها للتليفزيون تروح لمين
ديننا بسيط وواضح مش محتاج كل الفتاوى دى
طب واللى تشابه عليه الامر يسأل مين
وانا كمواطن بسيط تعليمى وثقافتى متوسطين اعرف منين مين الشيخ اللى اسمعله

ملحوظه :
انا مش عايزه حد يقولى احكام الفتاوى اللى فوق ولا حد ياخد باى حاجه منها
انا استخدمتهم لتوضيح الفكره م اكتر[/size]

موضوع مهم جدا جدا وزى ما انت قلتى لاسمع لده ولا لده
اقتضى طبعا بالقران والحديث الشريف وبرده ممكن احكم عقلى ودينى وضميرى بيقولى الحاجه دى صح ولا غلط

موضوعك رائع جدا يا رونى ومهم وتسلم ايدك

مشكورين يا جماعه علي مروركم

بس لازم حد بجد ناخد منه فتاوي صح

لان مش هينفع اي حد يفتح المصحف ويفسر القران علي مزاجه

وكمان بيبقي فيه مواضيع بيبقي عليها اختلاف بين العلماء

فمش هينفع ان احنا كل واحد يفتح المصحف ويفسر القران علي مزاجه

موضوعك رائع وشكراا ليك بس عايزة اوضح حاجة مصادر التشريع فى الدين هى الكتاب والسنة والقياس والاجتهاد
والكتاب والسنة اكيد واضحين ولو مش فاهمين حاجة فيهم بنلجأ لاهل الذكر وده اللى ربنا قاله "واسألوا اهل الذكر"
اما اللى بنوتة بتقوله وعبقرينوا ده يدخل تحت بند الاجتهاد والقياس وعشان احنا -الناس العادية يعنى- نقيس ونجتهد لازم نكون على دراية عالية اوى بالشريعة الاسلامية والفقه والاحكام والسيرة اللى هانقيس منها وماينفعش اى حد يقيس ويجتهد كدة مع احترامى للجميع طبعاا
والفتاوى اللى انت كتبتيها فوق ديه يارونى انا مش شايفة فيها مشكلة بخلاف فتوة ماما وبابا ديه واللى انتى تقصديه وهو تعدد المشايخ ده عندك حق فيه بس الواحد برضه بيفهم وفيه قنوات معروفة لكدة زى قناة الناس واقرا والرسالة بيتهيالى دول موثوق فى مصدقياتهم والشيوخ كذلك فى شيوخ كدة رموز ماتسمعيش لغيرهم وربنا يهدينا ان شاء الله للصواب وشكراااااااااااا ليكى تانى مرة

معاكي حق د/ زياد

فيه قنوات موثوق فيها

بس فيه قنوات تاني بتقول فتاوي مخالفه زي اللي مكتوبه فوق

طيب انا انسانه عاديه مش دارسه فقه ولا سنه ولا شريعه

هسمع كلام من فيهم

لو بتعملي حاجه و10 شيوخ قالوا حلال وجه واحد بس قال حرام بتبقي خايفه وانتي بتعمليها


برضوا في الاخر بناخد براي الشيوخ اللي واثقين فيهم

بس برضوا منظر مش حلو لما اتنين شيوخ يتخانقوا ويشتموا بعض ع الهوا في برنامج

زي ماحصل اكتر من مره

اكيد عندك حق
بس احنا عندنا اربع مذاهب ممكن يتفقوا على فتوى وممكن يختلفوا واالاختلاف ده خير لينا لان مافيش حرج فى اننا نمشى على حسب المذهب المناسب لينا
وكذالك اختلاف الفتاوى ديه تابعة لاختلاف المذاهب ومثلاا زى مابتقولى عشر شيوخ يقولوا صح ووواحد غلط يبقى تمشى ورا الصح وانتى مطمنة وزى مابيقولوا الشيوخ .....طبقااا لجمهور العلماء.....يعنى مافيش مشكلة لو اخدنا بالاغلبية يعنى
وبالنسبة للخناق ديه حاجة مش كويسة وبتسوء صورة الاسلام والمسلمين قدام العالم بس رنا يهديهم مافيش غير كدة

ربنا يهدي الناس جميعا

ميرسي د/ زياد علي مشاركتك الرائعه